Txintxarri Abesbatza

Larunbatean genuen hitzordua eta sentimendu gazi gozo bat zen nagusi. Ostiral gaueko entsaioan Zumaiarrek deitu ziguten esanez beraien partaide, Maite, hil zela eta normala den bezala, ez zirela larunbatan kantatzeko gai ikusten. Guk ere ez genekien zer egin baina…

Larunbat goizean Soriatarrei ongietorria eman genien. Bazkal ondoren, herria erakutsi genien eta ondoren entsaiatzeko aukera izan zuten.
Coral Polifonica de Almazan-ek eskeiniriko kontzertuan ez zen jende gehiegi entzuten baina beraiek gustura geratu ziren bere lanarekin.
Ondoren denok joan ginen afaltzera. Ederki pasa genuen.

Eskertzekoa kontzertu aurretik Zumaiako San Pedro Abesbatzako hiru partaideren presentzia. Kontzertu aurretik idatzi hunkigarri bat irakurri zuten. Jakinik zein momentu gogorrak diren beraintzat, hemendik gure eskerrik beroenak eman nahi dizkiezuegu.

Gaurko honetan, Zumaiako San Pedro Abesbatzak, gu Apirilean Zumaian izan ginenean, beraiek eskeiniriko abesti batzuk dakarzkigu. Aurrerago Alegian entzuteko aukera izango dugu, baina modu honetan animoak bidali nahi dizkiegu. .

Larunbata honetan, hau da Maiatzaren 23an, hiru abesbatzen arteko topaketa izango dugu: Almazan (Soria)-ko Coral Polifonica de Almazan, Zumaiako San Pedro Abesbatza eta gu geu, Txintxarri Abesbatza. Kontzertua iluntzeko 20.00tan izango da Alegiako elizan.

2006.an Sorian izan ginen asteburu pasa eta bertako Almazan herrian kontzertua eskeintzeko aukera izan genuen. Aurtengo Apirilean berriz Zumaian izan ginen abesten eta oraingo honetan bi abesbatz hauek bueltan datorzkigu. Normalean, elkartrukeko sistema erabili ohi izan dugu.

Esan beharrik ere ez dago, nahi duzuen guztiok gonbidtuak zaudetela.

Ondorengo hau da, eskeiniko dugun programa.

ZUMAIAKO SAN PEDRO ABESBATZA

- O bone Jesu……………………………………………..…J. ANTXIETA
- On suuri sun rantas autius………………………………..HERRIKOIA (FINLANDIA)
- Neskatx ederra………………………………………….X. SARASOLA
- Saratarra………………………………………MOLD.: GONZALEZ BASTIDA
Si tu no estás aqui……………………………………..ROSANA
MOLD.: J. DOMINGUEZ
Kom…………………………………………………….M. ASLUND

Zuzendaria.: Amaia Aldalur

CORAL POLIFÓNICA DE ALMAZÁN

- Aita Gurea (Aita Madina)
- Pange lingua de Kodály
- Salve regina de Liszt
- Habanera Divina (Manuel Massotti)
- Señor me cansa la vida (Machado y Juan Alfonso García)
- O voso galo comadre M. (Groba)

Zuzendaria: Igor Escudero

TXINTXARRI ABESBATZA

- Signum………………………………T, SUSATO
- Zure Boza…………………………..X. SARASOLA
- Hego-haizea………………………….P. M. AIZPURUA

Zuzendaria: Garbiñe Orbegozo

HIRU ABESBATZEK

- CANTARES…………………………..A. MACHADO/J. M. SERRAT MOLD.: L. CANGRANO
- HARMONIA MUNDI……………………..XVI. MENDEKO KORAL ALEMANIARRA
- KANTUZ…………………………….A. LESBORDES

Asteburu honetan, hau da, Maitzak 16 eta 17an Txintxarri Txikiko partaideak Hondarribian izango dira. Bertan ospatzen da Gipuzkoako Abesbatzen Federazioak antolaturiko III. Haur Koruen Tailerra.

Bertan koru desberdinek hartuko dute parte, eta hainbat ekintza desberdin egiteko aukera izango dute: gorputza lantzea, dramatizazioa etab.
Igandea arratsaldean kontzertu batekin amaituko dute.
Ea zer nolako esperientzia suertatzen zaien gure gaztetxoei.

Oraingo honetan, gure koruko bi bakarlari kantuan agertzen diren bideo batekin gatoz. Nahiz eta jakin bideoa ez dela kalidade oso onekoa, polita dela uste dugunez, eta gure ohiko otordu bateko “postre ” berezia erakusteko balio lezake.

Bertan kantuan Xefe eta Mingo agertzen dira, Joxek zuzentzen dielarik.

Bideo hau 2005.ko Txintzarri Egunean grabatu zen eta kantatzen dute abestia oso ezaguna, denok ezagutzeko modukoa.

Larunbata, aurrekoan esanda bezala, Zumaian kontzertua eskeini behar genuen eguna. Autobusean joan ginen. Elizako akustika probatu, Zumaiako San Pedro Abesbatzarekin kantatu beharreko hiru abestiak ensaiatu ondoren, eztarriak bustitzera joan ginen.
Gero ahotsak berotu eta azken orduko ohar eta konsejutxoak entzun ondoren, San Pedro elizara abiatu ginen. Aurrena, Zumaiarrek bost abesti eskeini zituzten. Ondoren gure txanda. Gure ustetan lan txukuna egin genuen, eta entzutera urbildutako jendea ere gustura geratu zela iruditu zitazigun. Eskeinitako abestien artean, “El día que me quieras “abesti argentinarrak jendea harrituta utzi zuen, batez ere Xabier Mingok eskeiniriko bakarreko lanak. Beraz bideoko zati hori jarriko dugu gaurkoan.

Konzertuari amaiera emateko bi abesbatzek elkarrekin hiru abesti kantatu genituen. Ondoren, ohiko ohiturari jarraituz, bertako elkartean afaldu genuen. Ederki asko egon ginen. Eskerrak eman nahi dizkiogu zumaiarrei. Ea Maiatzean, beraiek etortzean, guk ere ongietorri berdina ematen diegun…

Larunbat honetan, Apirilak 4-a, arratsaldeko 20.00etan kontzertua eskeiniko dugu Zumaiako San Pedro elizan.. Beraz kostaldera goaz.

Kontzertua hau elkartrukekoa izango da. Hau da, Zumaiarrak bueltan etorriko zaizkigula Maiatzean. Iada ohitura bihurtu zaigu, beste abesbatzekin, normalean Euskal Herrikoekin baina baita Euskal Herritik kanpokoekin elkartrukeak egitea. Kontzertua eskeini, batzutan kanturen bat elkarrekin abestu eta ondoren afari meriendatxo bat elkarrekin egin. Hau izan ohi da elkartrukean egiten duguna.
Beraz nahi duzuenok, badakizuen on izango gara. Izango duzue honen berri datorren astean.

Aspaldiko partez, oraingo honetan pasa den urtean eskeiniriko azken kontzertuetako bateko hiru abestiekin gatoz. Hain zuzen ere, 2008.ko Txintxarri Egunean eskeinirikoak dira.
Ensaioetan buru belarri gabiltzanez, hurrengo astean kontzertu eskeintzekotan gara kostaldean eta beraz ze aproposago “Itsasoa laino dago” kantuarekin hastea baino. Ondoren “El Abanico “kantu hegoamerikarra eta bukatzeko, txistularien laguntzaz abesturiko “Gurea da ” abestia.

Aspaldiko partez, oraingo honetan pasa den urtean eskeiniriko azken bi kontzertuetako hiru abestiekin gatoz. Hain zuzen ere, 2008.ko Txintxarri Egunean eskeinirikoak dira.
Ensaioetan buru belarri gabiltzanez, hurrengo astean kontzertu eskeintzekotan gara kostaldean eta beraz ze aproposago “Itsasoa laino dago” kantuarekin hastea baino. Ondoren “El Abanico “kantu hegoamerikarra eta bukatzeko, txistularien laguntzaz abesturiko “Gurea da ” abestia.

Dagoeneko hasiak gara hurrengo urteari begira… Hain zuzen ere 2010. urtean Txintxarrik 50 urte beteko ditu… eta hor ari gara buru belarri lanean. Orain arte kamisetak saltzen, errifak zozketatzen, gazta eta babarrunarekin apustuak etab. egin ditugu baina iritsi da garaia lanean buru belarri hasteko.

Oraingoz lan talde bat osatu dugu eta hilabetero elkartzen gara, prestakuntzak antolatzen hasteko. Oraingoz hainbat ideia darabilzkigu buruan, baina piskanaka hauei forma eman nahi diegu.

Ideiaren bat edukiz gero, gu entzuteko prest.
Aurrerago, piskanaka piskanaka, joango gara gauzak zehazten.

Gaur Otsailak 19-a, Ostegun Gizena dugu, hau da Iñauterietako hasera. Mozorro, festa eta jai giro artean txaranga soinu alaiak entzungo ditugu…

Egun hauetan tabernetan, dendetan. komunikabideetan… entzungo diren doinuak 1.998. Kilometroetako egitasmoen barruan izan zen grabatua Amasako Izeta estudioan. Ohiko Iñauterietako doinu ezagunak, euskaratzeko asmoarekin, Cd bat atera zen: Iñauteriak kantu-kantari izenarekin.

Bertan Tolosako Musika Banda, Laskorain Ikastola, Hodeiertz, Leidor, Abeslari Lagunak eta gu geu, Txintxarri Abesbatza izan ginen grabaketa lanetan. Esperientzi polita izan zen. Orduko oroigarri ondorego audioa. Hain zuzen ere Pastelero kantu ezaguna.