Txintxarri Abesbatza

Beterri aldean izan ginen joan den igandean kontzertua ematen, Astigarragako Andre Mariaren parrokian hain zuzen ere. Bertako Aiztondo koruarekin batera kantatu genuen, beti bezala ondo kantatu ere…

Aurrena, beti bezala, eliza probatu, bozak berotu eta poteotxo bat, eztarriko zirrizkuak ondo garbitzeko. Gero, kantatzera!

Astigarragakoak izan ziren aurrena kantatzen. Gauzak diren bezela esan behar dira: 17 abeslari ziren eta ederki kantatzen zuten! Hiruna soprano eta tenor, eta gainerako guztiak bajuak ta kontraltoak. Joxekin aspaldi kantatzen genituen “Neure maitena” ta “Illunabarra” kantatu zituzten, besteak beste.

Ondoren, gu igo ginen aldarera, eta hamar bat abesti kantatu genituen. Abesti horietako batzuk estrenatu gainera: “Binbili bonbolo” eta “Baialdakizu maite”. Beti esaten duguna: hobeto egin zitekeen, baina Garbiñek beti eramaten gaitu ondo preparatuta!

Eta kontzertuaren ondoren etorri zen eguneko akontezimenturik onena: bazkaria “Gure izar’a” soziedadean. Bost ordu egin genituen handik mugitu ere egin gabe! Astigarragako bertakoek prestatu zuten bazkaria: ederra! Onena, postrerako koruko batek egin zuen arrozkoletxea… Eta gero bazkari osoan atera ziguten sagardo degustazioa. Astigarraga, sagardoaren herria izaki, aldiro sagardo diferente bat atera ziguten edateko, prexko-prexkoa!

Arratsaldeko zazpirak aldera, egun ederra pasa ondoren bueltatu ginen Alegira. Aiztondo: eskerrik asko hain ondo zaintzeagatik. Kostako zaigu udazkenen Alegira etortzen zaretenean zuen mailan egotea.

Orain, Karmenetarako preparatzen hastera goaz, burubelarri. Eta gero oporrak!

Gaur Ekainak 23-a, San Juan gaua, urteko egunik luzeena, udako solstizioa… gauean Salbea abestuko dugu 20.45tan elizan eta ondoren 21.00ak aldera plazan suaren inguruan Bordon Dantza abestuko dugu.

Igandean, Ekainak 22, kontzertua eskeiniko dugu Astigarragako elizan eguerdiko 12.30tan. Gurekin batera Astigarragako Aiztondo Abesbatza ariko da. Guztira 15 kanta abestuko ditugu.

Gure egitaraua honako hau da:
- Kantauko nizuke
- Ave Maria
- On suuri sun rantas autius
- Danny boy
- Amodioa
- Binbili Bonbolo
- Baialdakizu maite
- El abanico
- Axuri beltza
- Astigarragatarrekin batera: Jeiki, jeiki

Ondoren bi koruen artean bazkaria izango dugu.

Duela 2 urte Soriako Almazan herrian izan ginen Martxoko asteburu hotz batean. Bertan, beste 2 abesbatzekin batera kontzertu bat eman genuen.
Gaurko honetan orduan kantatuko 2 abestirekin gatoz. Bata Serrat hain ezagun egindako Antonio Machadoren poesi bat da: Cantares eta bestea, ezezagunagora ere ez, Haurtxoa Sehaskan (bakarlaria Xefe Balerdi ).
Zuen gustokoak izango direlakoan…

boomp3.com
boomp3.com

Bi mila eta zortziko
laugarren hilabetean
bi lagun ezkondu dira
hemeretzigarrenean.
Alegian hasi dena
Hernanira azkenean,
kantu ta bertsoz nahi dugu
ospatu lagunartean.
Beraz Garbiñe ta Txuso
gaur elkarren konpasean
sartu behar duzuenez,
melodia berberean
elkar maita ezazue
zoriontasun betean
kantua eta musika
entzuten den bitartean

Lagunen partez muxu ta
besarkada bat hasteko
irrikitan geundelako
hau zuekin ospatzeko
Badaukagu eskeintza bat
orain zuenganatzeko,
bizitza ez denez beti
duoan eramateko
norbait behar baduzue
aurrerantza egiteko
ilusio, zoriona
ta poza konpartitzeko
edo baldin bazaudete
goibel ta triste antzeko
badakizue nun gauden
abesbatza osatzeko.

Doinua: habanera

Eskerrik asko Felix.

Bihar, ostirala, gure koruan ospakizun berezi bat dugu. Garbiñe ezkontzen dela eta afaria egitekotan gara Orendaingo ostatuan. Ospatu soilik ez, eskertu ere egin nahi diogu gure zuzendariari hainbat eta hainbat isileko lan duelako: entsaioak prestatu, kontzertuak antolatu, partiturak aurkitu….
Korua eta Garbiñe, Garbiñe eta korua. Koruaren arima, motorra, egunerokoa, emaitza, ordainezineko lana, ahalmena… hori dena eta askoz gehiago da “gue xuxen”. Askotan bera beti hor egongo dela ziurtzat jotzen dugu, eta hala espero, baina noizean behin eskerrak eman beharra izaten da. Oraingoan aukera polita suertatu zaigu. Horregatik eskertu egin nahi genioke egiten duen lan guztia, eta era berean berarekin ospatu datorkien egun berezia.
Ondo pasa eta zorionak !

BubbleShare: Share photos - Powered by BubbleShare

Atzo arratsalde partean Etb-n izan ginen Horrelako da bizitza saioko publiko gisa. Autobusa Alegira etorri zaitzaigun bila eta gero denok Miramonera abiatu ginen. Identifikatu eta segurtasun neurri nahiko zorrotzak pasa ondoren eraikin barrura.
Lehenengo gauza txapela bana eta diru sobretxoa ematea, beraz etxera joateko moduan ginen baina merienda begien aurrean geneukan eta ezin itsusikeriarik egin. “Derechos de imagen” delakoa ere firmatu genuen. Ezin esklusibarik saldu.
Tripa bete ondoren, platora. Ikustekoa hango mugimendua zuzenean emititzen hasi aurretik. Guztira 40 minutu iraun zuen saioak eta egia esan entretenitua izan zen. Andoni ere tipo jatorra, naturala. Txintxarrien aipamena egin zuen saioan zehar eta gu gustora.
Amaitu ondoren berriro autobusera eta etxera.
Beste esperientzia bat. Bat gehiago.

Datorren Asteazkenean, Aprilak 2-an Euskal Telebistako Horrelakoa da bizitza saiora goaz publiko gisa parte hartzera. Gure 50. urteurreneko ekintzetarako dirua biltzeko lanetan ari baitgara. Printzipioz 27 laguneko taldea osatu behar dugu eta jendez justu xamar gabiltza, norbaitek etorriko nahiko balu jar dadila gurekin hartu emanetan. Eskertuko genioke.

Bi asteko oporrak ditugu, beraz lasai gabiltz. Badakit askok eta askok Apirilean izango dugun ospakizun berezi baten berri badezutela, eta aurreko post batean galdetzen zuten ea ari ote garen zerbait prestatzen. Jakin dadezazutela baietz, ari garela lanean, nahiz eta ez erraza izan. Saiatzen behintzat ari gara.
Bitartean hemen 2005.ean eskeiniriko kontzertu bateko abesti batzuk.

boomp3.com
boomp3.com
boomp3.com
boomp3.com

Dagoeneko askok jakingo duzue baina, korua poliki poliki 50.urteurrenari begira dabil iaztik.
Hainbat asmo, intentzio eta amets ditugu baina oraingoz diru apur bat bildu nahiean gabiltza. Horretarako kamisetak, loteria, errifak… atera ditugu. Oraingoan berriro ere errifak atera ditugu. Beraz nahi duenak edo bere laguntzatxoa eman nahi digunari, badakizue.
Aldez aurretik eskerrik asko baina orain arte lagundu digutenei eta hemendik aurrera lagunduko digutenei.